Atzo banatu ziren Kudeaketa Laburrean lehiaketaren bederatzigarren edizioko sariak. Hau EUSKALITen ekimena da, ikus-entzunezko lengoaiak kudeaketaren elementuak komunikatzeko tresna gisa duen garrantzia azpimarratzeko.

Bideo irabazlea Bihotz Gaztea Ikastola izan da. Bere ikastetxearen lidergo partekatuari buruz hitz egiten du, protagonisten bitartez, hots, ikasleen eta irakasleen bitartez. Gainera, Amateur bideorik onenaren Saria banatu zen (profesionalak ez diren pertsonek egindako bideoak saritzen dituena), We are clickers enpresari, IAren bidez egindako Taldeko berria lanarekin, eta Publikoaren Saria ere eman zen, Tximist Fundazioarentzat, Berdintasuna jokoan bere obrarentzat.

Gainerako finalistak Mutualia, Ejie-KZ Gunea eta Ave María Ikastetxea izan ziren.

Lan horiek ikusleek eta epaimahai espezializatu batek baloratu dituzte. Epaimahai hori Mondragon Unibertsitateko (Komunikazio Gradua) eta Media Attackeko pertsonek osatzen dute, ikus-entzunezko munduan duten ezagutza aditua emanez EUSKALITek baloratutako kudeaketaren arloari. Publikoaren bozketan 1.800 pertsonak baino gehiagok parte hartu dute, aurreko edizioetako zifrak gaindituz.

Finalistak eta irabazleak gure Youtubeko kanalean ikus daitezke.

MONDRAGON UNIBERTSITATEAREKIKO ALIANTZA

Mondragon Unibertsitateko Humanitate eta Hezkuntza Zientzien Fakultatearekin ezarritako aliantzari esker antolatu da lehiaketa. Lankidetza horren ondorioz, saria Bilboko As fabrik fakultatean banatu da, eta aurten, gainera, ekimen berri bat jarri da abian, non komunikazio-graduko ikasleek feed-back eta aholkuak eman ahal izan dituzten erakunde lehiakideei aurkeztutako bideoei buruz, gaiaren egokitzapenean, originaltasunean, mezuaren kalitatean edo ikus-inpaktuan oinarrituta.

SARITUTAKO LANEN LABURPENA

Bihotz Gaztea Ikastola

Lidergo partekatua eta komunitatearen indarra Ikastolan, non familiak, ikasleek eta langileek elkarrekin lan egiten dugun oraina eta etorkizuna eraikitzeko.

Tximist Fundazioa

Tximist Fundazioaren Tximist Cup nazioarteko txapelketak, ‘The equality ball’ jokoan dela, jokalariei ahotsa ematen die futbolak aukera berdintasuna eta erreferente berriak nola bultzatzen dituen erakusteko.

We are clickers

Neska gazte bat enpresa moderno eta ikusgarri batean hasiko da lanean. Bere ingurune berria aztertzen duen bitartean, giza baliabideen arduradunak aurreko beste baten historia azaltzen dio: gizakia ez zen berria, IA bat baizik. Taldea, hasieran aztoratuta eta beldurrez, beldurra aukera bihurtzeko moduaz jabetuko da.